Finca yaonyesha utayali kuiunga mkono serikali katika mpango wake

 Na.Martin Joseph

Sekta binafsi na taasisi za fedha hapa nchini zimeombwa kuiunga mkono serikali katika mpango wake wa pili wa fedha jumuishi  kwani kufanya hivyo itaisaidia serikali kuboresha maisha ya wananchi kupitia mpango huo.

Hayo yamesemwa na Naibu Waziri wa Fedha na Mipango Bi.ASHATU KIJAJI alipokuwa akimuwakilisha waziri wa wazira hiyo Mhe.PHILIP MPANGO katika mkutano uliyofanyika Jijini DAR ES SALAAM  wa ushirikishaji wa kifedha baina ya taasisi ya kibenki inayo toa mikopo midogo midogo(FINCA MICRO FINANCE BANK) pamoja  na taasisi ya kimataifa inayotoa ushirikishaji wa kifedha na kuendeleza elimu kwa vijana barani Afrika(MASTER CARD FOUNDATION).

Amesema kuwa mpango ulianziashwa na  serikali kwa lengo la kufanikisha azima yake ya kuwapatia wananchi maisha bora  na kuwafanya kuondokana na   wiimbi la umaskini na  hatimaye waweze kupiga hatua kimaendeleo wao na kwa taifa pia.

Aidha ametoa pongezi kwa kampuni za simu na mawasiliano  hapa nchini kwani zimekuwa zikiwafikishia wananchi huduma kwa urahisi na kwa haraka hivyo amezitaka sekta za fedha kuiga mfano kwani watakua wamesaidia wananchi kwa kiasi kikubwa katika uapataji wa fedha kwa kuboresha maisha yao.